SAY - NORTH SERZAWL CORPS

Cadet Lalfakawma (Faktea) leh Cadet Zoremsiami (Nunui) te nupa chuan kan khua, kan Corps, North Serzawl-ah thla 2 chhung Field Training nei turin ni 5 May, 2023  khan an lo thleng a. Pathian hruainain tisa leh thlarau lamah malsawmna leh hmasawnna tam tak dawngin hun nuam leh hlimawm tak hmanho thin a ni. Chutia, inpawh tak leh hlim tlang taka kan awmho laiin ni 25 June, 2023 khan T.H.Q. remruatnain Farewell meeting chu Thianghlimna inkhawmah hman a ni a. Tin, Corps pualin ni 26 June, 2023 Thawhtanni zanah Farewell meeting hmanho leh a ni a. Hun hlimawm tak kan hmang a, chutih rualin, kan ngaiin kan ui viau mai a. Nimahsela, chelh reng theih ni bik hek suh,  an kal zelna turah duhsakna sang ber hlan chungin ui tak chungin kan thlah liam a lo tul ta si a.  Pathianin vengin, hruai zel se, an rawngbawl zelna turah Pathian malsawmna chang zel turin duhsakna kan hlan e.

Mizo version : Thufingte 24:11. “Thi tûra hruaite chu chhan chhuak la. Thah mai tûrte chu chhan chhuak thuai rawh.” English version : Proverbs 24:11. “Deliver those being taken away to death, and hold back those slipping to the slaughter.”